Totke

Tinde Ke Faide

Garmiyon mein baaz logon ko hath payon jalne, pishab ki kami aur jalan ki shikayat hoti hai. Tinde khane se yeh takseef door ho jati hai. Khushk khansi ki shikayat ho to is ki bhujya ya salan ke kasrat istemaal takleef door ho jati hai. Kiun keh tinde halaq ki naali ko tar karte hain.

Band Gobhi ke Faide

Kachi gobhi khana buhat mufeed hai. Sugar ke mareezon ke liye mufeed tar hai. Salad ke tor par khane ke liye ise isi waqt katna chahiye jab khane ka waqt ho kiun keh is mein shamil vitamin C hawa mein tahleel ho jata hai. Is ko dho kar kantna chahiye kiun keh kaat kar dhoyain to tamam vitamins pani ke sath bah jate hain. Band gobhi khane se khoon ki kharabi se jo amraaz hote hain. Woh dur ho jate hain.

Hath Paon ki Jalan ka Ilaj

Kisi bimaari ki wajah se jism mein chingariyan si nikalti mahsoos hoti hon. Hath payon jalte hon to khushk dhanya pees kar misri mila kar khayain. Ya sabzi dhanya ghot kar misri mila kar piyain. Jism ki sari garmi ka asar zail ho jaye ga.

Sheesha Saaf Karne ka Tarika

Khirkiyon ke shishe ho ya furniture par lage huye, saaf shafaf ache lagte hain. Shishe par aam kapre dhone wala nil pani mein ghol kar lagayain aur phir khushk kapre dhone wala nil ki yeh paste khushk ho jaye to saaf aur narm kapre se ponch lein aur kapre ko hi ragarein. Shisha chamakdar aur shafaf ho jaye ga.

Munh se Mooli ki Bu

Mooli bhi salad ka lazmi juz hain. Kachi khayain ya paka kar donon tarah mufeed hoti hain. Magar yeh khud hazam nahi hoti ya phir buhat der mein hazam hoti hai. Is liye mooli khane ke baad thora sa gur(brown sugar) kha lia jaye is se muli hazam ho jati hai aur dekarein nahi aatein ya phir matar(pea) ke chand dane chiba leye jayain to bhi dikarein nahi aatein.

Tel ko Machli ki Bu se Bachayein

Jis tel mein machli tali jaye woh dobarah istemaal ke qabil nahi rehta. Agar machli tlte waqt chand dane ajwain ke daal diye jayein to tel mein machli ki bu nahi aati aur tel ko dobarah istemaal kia ja skta hai.

Kadhi Ghari Karne ka Tarika

Agar kadhi mein aik ya do bar ubal aane ke baad namak daala jaye to kadhi khoob garhi hoti hai.

Daal Galane ka Tarika

Agar dalon ko jaldi galana mqsood ho to har qisam ki daal neem garam pani se dhoyein aur pakane ke liye lkri ka chamcha istemaal karein. Is se daal jldi gal jati hai aur rung bhi acha aata hai.