Totke

Aloo ke Fawaid

• Aankhon ka warm door karne ke liye aloo ke chile huye tukre aankhon par rakhne se buhat sakoon milta hai.
• Chips katne ke baad in ko namak aur sirkah mile pani mein dubo dein. Jab talne ho to pani nichor kar tal lein. Chips do bar talne se ziadah khastah aur karare bante hain.
• Bhap se jism ka koi hissah jal jaye to is par kacha aalo ragarein. Aablah nahi pare ga.
• Baaz awqat salan mein aloo bilkul gal jate hain aur bikharne lagte hain. Aalo cheel kar kaat kar namak laga kar 10 minute baad woh ghulein gey nahi.
• Aloo dunya mein sab se ziadah khayi jane wali sabzi hai. Bache burhe sabhi shoq se khate hain. Khas tor par chips ki surat mein to be had maqbool hain.
• Jis pani mein aloo boil kiye jate hon, is pani se chandi ke bartan dhoyain to saaf ho jate hain.

Jild ki Hasasyat Test Karein

Koi bhi khezaab istemaal karne se pehle apni jild ko test zaroor kar lena chahiye keh kahin is ka koi ghalat radde-amal na ho jaye khezaab thora sa le kar apni kehni ke andar ki taraf laga kar 24 hours tak laga rehne dein aur agar koi radde-amal ho to phir mutalqah khezaab ki bajaye koi doosra lagayain.

Dabal Ruti ka Chura

Dabal roti ka chura hum kayi cheezon mein istemaal karte hain. Jab kabhi chora banayain to is ko mote chore ko alihdah lifafon mein daal kar rakh lein. Jis ki zarurat ho istemaal karein.

Brown Sugar aur Khusk Mewa

Dono ko aik hi dabbe mein rakhein. Is ka faida yeh hoga keh chini narm reh gi jabkeh dry fruit aur brown sugar cake banane ke liye hawa band dabbe mein rakhain. Is tarah cake ziadah khusbu dar bane ga.

Chawalon ko Kire se Bachane ka Tarika

Chawalon mein pisa hua namak mila dein to inhain kira nahi lage ga. 40 kg chawalon ke liye aik kilo namak kafi hai.

Dant ka Dard ka Totka Urdu

Agar dant mein dard ho to chand methi danon ko 2 glass pani ke sath ubaal lein. Is neem garam pani se kulliyan karein dant ka dard foran khatam ho jaye ga.

Hari Mirch ki Jalan

Hari mirch katne ke baad hath jalne lgte hain. Agar aap is se bachna chahte hain to hari mirchein katne se pehle zara si chiknai hathon par laga lein is tarah se aap hathon ki jalan se mehfooz rahein gay.

Gosht ko Mehfooz Karna

Agar fridge ke beghair gosht ko chand ghanton tk mehfooz rakhna hai to is ke liye gosht ke uper aate ki bhusi laga dein. Aik malmal ka kpra sirke mein bhigoyein aur phir nichor kar ise gosht par lapet dein. Is tarah se gosht kayi ghanton tk kharab nahi hongay.